Mbrojtësi i Kombëtares, Elseid Hysaj me shumë gjasa do të transferohet në Premier Ligën angleze pas paraqitjes dinjitoze me Napolin në Serinë A. Sipas mediave britanike, për shkodranin ka shfaqur interes Çelsi dhe Mançesteri, të cilat janë gati të paguajnë klauzolën për mbrojtësin 24-vjeçar.
Hysaj i ka forcuar edhe më shumë zërat e mediave, teksa para pak minutash ka postuar në “InstaStory” një foto nga avioni me destinacion Londrën.
Dyshimet e para janë për një takim me drejtuesit e Çelsit, gjithsesi në skenë është dhe Mançesteri. Në orët në vazhdim pritet të ketë të reja rreth të ardhmes së Hysajt.
