Kalidou Koulibaly mund të largohet nga San Paolo, pas përfundimit të këtij sezoni. E ardhmja e Kalidou Koulibaly në Napoli është në dyshim.
Menaxheri i tij, Bruno Satin ka njoftuar se mbrojtësi mund të largohet nga San Paolo, pas përfundimit të këtij sezoni.Për më tepër, Koulibaly mund ta “tradhtojë” Napolin duke kaluar në Juventus.
“Është ende herët për të biseduar për të ardhmen, por ky është një vit i veçantë, viti i Botërorit. Duhet ta shohim si përfundon çështja e trajnerit Sarri, mund të ketë ndikim”, u shpreh ai.
“Koulibaly në Juventus? Kalidou është në nivel që mund të luajë kudo”, theksoi Satin.
