Kukësi mbylli një sezon të suksesshëm në Superligë duke u renditur në vendin e dytë të kampionatit dhe ndoshta me një dënim të mundshëm të Skënderbeut mund të luajë edhe në Champions League këtë sezon. Për këtë arsye verlindorët po mundohen që të krijojnë një ekip sa më solid që në verë, në mënyrë që të jetë gati edhe për sezonin e ri.
Verilindorët duket se kanë bërë goditjen e parë në merkato dhe ai është Faton Maloku. Maloku aktivizohet si portier ku në klube ka luajtur me Gjilanin dhe Ferronikelin ndërsa është pjesë edhe e kombëtares së Kosoves. Akordi është arritur ndërsa pritet vetëm zyrtarizmi i marrëveshjes ndërsa ai shihet si zëvendësuesi ideal i Enea Koliçit që duket se është drejt transferimit te ekipi i Partizanit.
