Shqipëria fitoi me rezultatin 4-2 në “Elbasan Arena” me Islandën, duke u ngjitur në kuotën e 9 pikëve në Grupin H kualifikuese të “EURO 2020”.
Por kjo nuk ishte një fitore e radhës pasi përballja dhe golat ndaj Islandës tashmë janë pjesë e historisë së Kombëtares kuqezi.
Që prej themelimit të FSHF-së dhe ndeshjes së parë zyrtare të vlefshme për Kupën Ballkanike në vitin 1946 (Shqipëri-Jugosllavi 2-3), kuqezinjtë nuk kishin fituar asnjëherë një ndeshje eliminatore të vlefshme për Europianin apo Botërorin duke shënuar katër gola.
Një ditë pas fitores së “çmendur” kanë reaguar disa lojtarë të Kombëtares në profilet e tyre në rrjetet sociale.
Një prej tyre që bie më shumë në sy është dixhitura që ka bërë kapiteni i “kuqezive” Elseid Hysaj:
“JAM SHUMË I LUMTUR PËR GOLIN E PARË PËR KËTË KOMBËTARE. SHPRESOJ TË MOS NDALEM ME KAQ..!