Lautaro Martinez tashmë mund të konsiderohet praktikisht një futbollist i Interit. Sulmuesi i talentuar argjentinas, (blerja e të cilit do të zyrtarizohet vetëm pas 1 korrikut) ka kaluar me sukses vizitat mjekësore dhe ka firmosur zyrtarisht kontratën që do ta lidhë me Interin gjatë viteve në vazhdim. Lautaro vjen nga argjentinasit e Racing Club me ndërmjetësimin e ish sulmuesit zikaltër Diego Milito i cili mban një post drejtuesi te klubi nga Avellaneda.
Te Interi Martinez do të mbajë fanellën me numër 10. Menjëherë pas firmës mbi kontratë termat e së cilës nuk bëhen ende të ditur, Lautaro Martinez tha edhe fjalët e para si futbollist i skuadrës zikaltër. “ Është një ëndërr të jem këtu. Forca Inter. Do të jap më të mirën time dhe shpresoj që njërëzit të jenë të karikuar sepse ne si skuadër duam të kem një rol prej protagonisteje. Milito më ka folur shumë mirë për Interin dhe jam me fat që jam këtu. Kjo është dita më e lumtur e jetës time”, shtoi në fund Lautaro Martinez.
