Shifrat e ‘çmendura’ në merkato qarkullojnë prej vitesh tashmë në futboll dhe lojtarët blihen me shifra marramendëse. Një prej atyre që kushtojnë shtrenjtë është edhe Antoine Griezmann. Francezi ka një klauzolë 100 milionë euroshe, por një legjendë e futbollit të Frances si Christophe Dugarry mendon se një klauzolë e tillë është shumë e ulët.
Ish-sulmuesi tha: “Griezmann ka një klauzolë prej 100 milionë eurosh? Mendoj se është një çmim shumë i lirë për të. Do ishte një dhuratë për secilin ekip që e merr nëse do paguante 100 milionë për një lojtar të një klasi të tillë”.
