Paul Pogba dhe Mesut Ozil janë ndër sportistët e rinj me të pasur të Britanisë. Lista e përpiluar nga “Sunday Times” tregon se dominojnë futbollistët e Premier League-s, ndërkohë që ka tre sportistë të tjerë të cilët nuk i përkasin botës së futbollit, golfistit Rory McIlroy (i pari), tenisti Andy Murray (i dyti) dhe boksieri Anthony Joshua i renditur (i pesti) për pasuri. Nga futbollistët më i pasuri është ylli i Real Madridit Gareth Bale dhe pas tij vjen Sergio Aguero.
Duhet thënë se pasuria e lojtarëve të kampionatit anglez është shtuar së tepërmi në këto 12 muajt e fundit. Nga kontingjenti i Premier League-s, mesfushori i Manchester United, Paul Pogba ka pasur rritjen më të madhe të pasurisë nga 10 milionë sterlina në 25 milionë sterlina. Lojtari më i pasur në Mbretërinë e Bashkuar, nën 30 vjeç është Sergio Aguero, i cili firmosi një akord të ri me PUMA-n për veshjet sportive.
Nga 14 futbollistët e Premier League-s në listë, përfaqësimin më të madh e ka Manchester United, ku përveç mesfushorit francez janë edhe Juan Mata, Alexis Sanchez dhe David De Gea. Emra të tjera janë yjet e Chelsea-s Eden Hazard, Willian dhe Pedro, si edhe Kevin De Bruyne (Manchester City). Përfaqësuesi i vetëm i Arsenalit është Mesut Ozil,i cili firmosi një kontratë të re me “Topçinjtë” më herët. Lista Theo Walcott, Daniel Sturridge, Andy Carroll plotësojnë listën e yjeve të Premier League-s./EDS/
Lista e sportistëve të rinj më të pasur në Britani për vitin 2018
Roy McRoll 110 milionë sterlina
Andy Murray 83 milionë sterlina
Gareth Bale 74 milionë sterlina
Sergio Aguerro 48 milionë euro
Anthony Joshua 35 mln sterlina
Eden Hazard 32 milionë sterlina
Mesut Ozil 28 milionë sterlina
Theo Walcott 26 milionë sterlina
Paul Pogba 25 milionë sterlina
Juan Mata 24 milionë sterlina
Uillian 23 milionë sterlina
Alexis Sanchez 21 milionë sterlina
Daniel Sturridge 19 milionë sterlina
David de Gea 18 milionë sterlina
Andy Carroll 17 milionë sterlina
Kevin de Bryune 16 milionë sterlina
Pedro 16 milionë sterlina
