“Paulo Dibala do të vijojë stërvitjen e personalizuar në ditët e ardhshme, për shkak të një lodhjeje muskulore në kofshën e majtë”, thuhet në buletinin e fundit të Juventusit pas stërvitjes së të mërkurës në “Kontinasa”.
Ky është problemi i Masimiliano Alegrit, i cili do të duhet të bëjë pa shërbimet e yllit argjentinas në ditët e ardhshme dhe pa ato të talentit të U-23, Marko da Graca, i cili pësoi gjithashtu një dëmtim muskulor.
Juventusi është duke u dhënë dorën e fundit përgatitjeve për miqësoren e parë të sezonit të ri kundër Çezenës ditën e shtunë. Sot skuadra do të rikthehet me dy seanca stërvitore, në mëngjes dhe pasdite.
