Luftëtari do presë sot Skënderbeu për të luajtur takimin e javës së 35-të të kampionatit në Superligë. Ndërkohë që korçarët i kanë mbyllur llogaritë me kampionatin, gjirokastritët do tentojnë sot të sigurojnë matematikisht biletën për në Europë.
Për të realizuar këtë gjë, sigurisht që duhet dhe ndihma e tifozëve vendas, të cilët nuk do mungojnë pasi kanë konfirmuar prezencën e tyre ditën e sotme në stadium. Ka qenë tifogrupi “Shqiponjat Bluzi” që kanë njoftuar këtë këtë nëpërmjet një postimi në faqen e tyre në Facebook.
“Sot më afër se kurrë endrrës europiane. Të gjithë në stadium i madh e i vogël të përkrahim legjendën Luftëtar!! Luftëtari-Skënderbeu, takimi i fundit në Gjirokastër për këtë sezon futbollistik. Forca kampionaaaa”, shkruajnë tifozët.