Merr gjithnjë e më shumë formë transferimi i Neymar Jr te Reali i Madridit në merkaton e kësaj vere. Pas trajneri Zidane që deklaroi se braziliani mund të përshtatet në mënyrë të shkëlqyer me Cristiano Ronaldon për t’i hedhur sërish benzinë zjarrit ka menduar shoku i Neymar në kombëtare, mbrojtësi Marcelo.
I pyetur për Neymar në intervistën pas fitores tenistike ndaj Celta Vigos, Marcelo theksoi se do t’i pëlqente të luante me 26-vjeçarin edhe në rang klubesh pasi tek Reali i Madridit vinë futbollistë më të mirë në Botë. Megjithatë Marcelo nënvizoi gjithashtu se në bisedën e fundit që kanë patur mes tyre nuk kanë folur as për Realin e Madridit dhe as për PSG.
