Ish-presidenti i Interit, Massimo Moratti, e ka vlerësuar Juventusin si skuadrën më të fortë dhe kompletuar në Itali, por ka insistuar se gjithmonë ndihmohet nga gjyqtarët.
Juve e fitoi titullin e kampionit për herë të shtatë radhazi pas barazimit pa gola kundër Romës në fundjavë.
Moratti është pyetur rreth dominimit të “Zonjës së vjetër” në futbollin italian.
“Juvetusi është ekipi më i fortë dhe kompletuar në Itali”, e ka pranuar Moratti, duke folur për Corriere della Sera.
“Kjo për shkak se e ka pronarin e njëjtë për një kohë të gjatë. Momentalisht, duke marrë parasysh situatën në ekipin kombëtar, ata e përfaqësojnë futbollin italian. Kjo do të thotë se ata e kanë respektin dhe përkrahjen e atyre që punojnë në futbollin italian – gjyqtarët”, shtoi ai.
