Medhi Benatia e lë derën të hapur. Mbrojtësi, në fillim mendon për Kupën e Botës me Marokun, pastaj për sezonin e ri: “Të shohim se çfarë është më mirë për mua dhe për Juventus.” Alternativa e klubit bardhezi mund të jetë Marseille, atje ku marokeni ka luajtur tetë sezone më parë: “Më pëlqen shumë Rudi Garcia si trajner. Do të punoja me kënaqësi me të, por çdo vendim i takon Juventus dhe kam ende dy vite kontratë,” – deklaroi ai për “RMC Sport”.
Benatia u shpall kampion i Italisë duke luajtur 20 ndeshje dhe me dy gola të shënuar. Në portë, ai nuk do të ketë më shokun e ekipit Buffon: “Jam i trishtuar, që në ditët e para ka qenë e vështirë të shohësh bosh vendin ku ai qëndronte. Eshtë e vështirë të imagjinosh se nuk do ta kem pas shpine, për mua ishte si një vëllai i madh.”