Drejtuesit e Milan vazhdojnë të punojë “nën rrogoz” për t’i dhuruar trajnerit Gennaro Gattuso mesfushorin Marouane Fellaini, i cili është i lirë nga çdo lidhje kontraktuale pasi i ka mbaruar marrëveshja me Manchester United.
Në ditët e kaluar ka pasur një takim mes drejtorit sportiv të Milan, Mirabelli dhe menaxherit të mesfushorit belg, Armen Manukian. Për momentin pengesa e vetme ka të bëj me pagën, sepse lojtari do të pranonte me kënaqësi të kalonte në “San Siro”, por kërkon 6 milionë euro, ndërsa kuqezinjtë nuk i ofrojnë më shumë se 4.5 milionë euro.
Në orët e fundit është futur në bisedime dhe Marseille, që është gati t’i jap lojtarit 5 milionë euro në sezon për tre vitet e ardhshme.
