Blerja më re e Paris Saint-Germain, Mauro Icardi ka hedhur poshtë pretendimet se martesa e tij me Wanda Nara ka shkaktuar një përleshje të gjatë me Lionel Messin.
Spekulimet për marrëdhëniet e këqija mes dy argjentinasve qarkullojnë prej vitesh, me fillimin e lidhjes mes Icardit dhe Wanda Naras.
Dyshja filluan lidhjen menjëherë pasi Wanda la ish-shokun e skuadrës të Icardit te Sampdoria, Maxi Lopez.
“E kam njohur Messin në Barcelonë vite më parë, unë i lashë njerëzit të flasin, këto janë gjëra që nuk mund t’i shmangim”, i shpjegoi ai Canal + të dielën.
“Unë nuk besoj në këto histori. Unë kam qenë në gjendje ta takoj atë, ai është lojtari më i mirë në botë. Unë e vlerësoj jashtëzakonisht shumë.
“Ata që më njohin mua e dinë kush jam me të vërtetë, dhe kjo është gjithçka që ka rëndësi … Kanë kaluar shtatë vite dhe jam gjykuar më shumë për jetën time personale sesa në lojën time”, theksoi Icardi.
