Alesio Romanjoli duket se e ka lënë pas krahëve dëmtimin e pësuar në kofshë disa javë më parë në ndeshjen ndaj Sasuolos.
Mbrojtësi dje ka zhvilluar stërvitjen e parë me grupin, duke postuar edhe një foto ku deklaronte se ishte gati.Në ndeshjen e fundjavës ndaj Veronës, 23-vjeçari mund të aktivizohet si zëvendësues, për t’i dhënë disa minuta në kuadër të finales së Kupës së Italisë, më 9 maj kundër Juventusit. Nëse Romanjoli është thuajse gati, Andrea Konti vijon punën në palestër.
Këputja e ligamenteve të gjurit dhe riaftësimi i tij kërkojnë më shumë kohë, megjithatë 24-vjeçari nuk e ka humbur entuziazmin, teksa ka postuar një foto së bashku me Emanuel Mamanë e Zentit, gjithashtu në fazë rehabilitimi për një dëmtim të ngjashëm me Kontin.
