Manchester United e ka zbehur interesin e vet për qendërmbrojtësin Samuel Umtiti, sipas “Marca”. Umtiti po kërkon një kontratë të përmirësuar në “Camp Nou” dhe skuadra e drejtuar nga Jose Mourinho mendohej se ishte një vend i mundshëm për të, nëse Barcelona nuk paraqiste një marrëveshje të pranueshme.
Por Umtiti tani ka gjasa të bjerë dakord për një marrëveshje të re në “Camp Nou”, ndërsa Manchester United e sheh veten jashtë “tablosë”. Edhe PSG nuk ka gjasa të bëjë një ofertë, për shkak të shqetësimeve financiare të “Fair Play”.
Nga ana tjetër, anglezët e “Old Trafford” kanë shfaqur interes për Justin Kluivert, sulmuesin e i të Ajax. 18-vjeçari është bërë një nga perspektivat më të nxehta të Europës, duke shënuar 9 gola në 29 ndeshje për holandezët, këtë sezon. Raporti mediatik i “Mirror” thotë se Kluivert është gati të rishkruajë një marrëveshje, që do ta bënte atë lojtarin më të paguar te Ajax, në mënyrë që të testojë tregun këtë verë.