Xhorxho Kielini ka dashur të thumbojë Napolin, disa lojtarë në veçanti, trajnerin Sarri dhe presidentin e tyre, De Laurentis, në lidhje me fjalët e thëna së fundmi mbi “grabitje” të kampionatit. “Nuk mendoj se mund të kishte një sezon më të bukur sesa ky.
Thjesht fakti sepse ishte i luftuar deri në fund e bëri kaq të bukur, por kushdo që flet keq për ne, përgjigjen e gjen këtu. Ne jemi duke festuar, ndërsa të tjerët (duke iu referuar Napolit) do të marrin rrugën me natë për në shtëpi. Madje, i mirëpresim edhe në të ardhmen të gjitha akuzat që lidhen me arbitrat, ‘VAR’-in apo grabitje e çdo gjë tjetër. Këto na shtojnë edhe më shumë oreksin, na bëjnë të pangopur”.
