Tirana ka triumfuar me rezultatin 2-1 ndaj Teutës, në kryendeshjen e javës së 20-të të Kategorisë Superiore, të zhvilluar në stadiumin “Air Albania”.
Durrsakët kaluan të parët në avantazh me anë të futbollistit Lorenco Vila, ndërkohë që bardheblutë e Egbosë, arritën të përmbysnin gjithçka në pjesën e parë, falë golave të Ngosë dhe Torasës.
Ky ishte triumfi i 7-të radhazi, për bardheblutë, duke përfshirë edhe ndeshjen në Kupë ndaj Kastriotit, një ecuri fantastike për 24 herë kampionët e vendit. Me këtë fitore Tirana u ngjit në kuotën e 37 pikëve, ndërkohë që diferenca me Teutën thellohet në +6.