Cristiano Ronaldo është tashmë një futbollist i Juventusit dhe pas Realit të Madridit, edhe bardhezinjtë dolën me një komunikatë zyrtare për të njoftuar transferimin.
Klubi italian njoftoi se ka nënshkruar një kontratë 4-vjeçare me portugezin, ndërsa do të paguajë te Reali 100 milionë euro të ndara në dy këste dhe 12 milionë të tjera në formë bonusesh.
Ylli portugez ndodhet momentalisht në Greqi me pushime, ndërsa mediat italiane njoftojnë se ai pritet të mbërrijë në Torino vetëm ditën e hënë, për të bërë prezantimin zyrtar me Juventusin.