Liverpool në gjysmëfinale të “Champions League” pati edhe gatishmërinë e Lazio-s për të mundur Roma-n. Skuadra italiane e drejtuar nga Inzaghi fillimisht i hapi dyert e qendrës stërvitore ekipit anglez, që të përgatitej në kushte sa më të mira për sfidën me verdhekuqtë.
Gjatë kësaj kohe tifozët e Lazio-s u treguan shumë mikpritës, duke shpalosur banderola mbështetëse për futbollistët e Liverpool në Formelo (qendrën stërvitore).
Tani që gjithçka ka mbaruar dhe Liverpool eliminoi Roma-n vijojnë surprizat për stafin e klubit anglez, konkretisht për trajnerin Jurgen Kloop. Pasditen e djeshme, trajneri gjerman ka marrë një fanellë të Lazios në hotelin ku skuadra e tij ndodhej.
Një rivalitet i madh mes dy ekipeve kryeqytetase të Italisë që ka lënë të befasuar edhe Kloop, i cili e shpreh qartë këtë në foton e shkrepur.
