Barcelona tashmë po punon për skuadrën e ardhshme dhe, edhe nëse nuk do të ketë shumë të ardhur, pritet që ata të bashkojnë një nga sulmet më shpërthyese në historinë e futbollit. Derisa asgjë nuk është konfirmuar apo zyrtare, pritet që Josep Maria Bartomeu do të aktivizojë klauzolën e lirimit të Antoine Griezmann dhe do të sjellë francezin në “Camp Nou”.
Ky është një mendim i frikshëm për pjesën tjetër të ekipeve në La Liga, pasi kampionët tashmë kanë Lionel Messi, Luis Suarez, Philippe Coutinho dhe Ousmane Dembele. Griezmann ka shënuar 124 gola në të gjitha garat në pesë vitet e fundit dhe ardhja e tij do të bënte, që Barça të kishte tre nga pesë golashënuesit më të mirë të La Liga, Griezmann, Messi dhe Suarez. Në krye të kësaj, Coutinho ka gjashtë gola që nga lëvizja e tij në janar, ndërsa ai kishte shënuar 12 me Liverpool-in në gjysmën e parë të sezonit.
Statistikat e Dembele nuk janë në atë nivel, por ia vlen të merret parasysh se ai ka qenë i dëmtuar për pjesën më të madhe të sezonit dhe se ai nuk ka filluar shumë ndeshje në sezonin e tij të parë në Katalonjë. Ai duhet të marrë një hap përpara sezonin e ardhshëm dhe duhet të jetë në skuadrën e parë, edhe nëse një huazim i mundshëm u konsiderua shkurtimisht. Me një sulm kaq të fortë, presioni mbi Dembele duhet të zvogëlohet dhe ai do të ndante barrën për t’u konsideruar si zëvendësues i Neymar me Coutinho dhe Griezmann.
Natyrisht, do të jetë një kosto e fuqishme për këtë sulm të pesëfishtë me yje, me Barcelonën që do të arrijë në 461 milionë euro shpenzime për dy francezët dhe brazilianin e uruguajanin. Klubi katalanas gjithashtu pagoi 30 milionë euro për sulmuesin rezervë Paco Alcacer dy vjet më parë dhe ata do të përpiqen të rimarrin disa nga ato para në merkaton e kësaj vere, edhe pse kjo do të jetë tepër e vështirë.
