Dënimi – Klubi i Partizanit nuk mund të qëndronte duarkryq përballë një situate të tillë. Personaliteti i trajnerit u vu në diskutim dhe drejtuesit duhet të mbronin teknikun Klevis Dalipi. Mesfushori nuk është përfshirë në listën e ekipit për ndeshjen kundër Luftëtarit. Ai nuk është në hotel me skuadrën, por ka mbetur në Tiranë. Telushi me shumë mundësi nuk do t’i bashkohet më skuadrës dhe nuk do t’i shpëtojë një gjobe të majme nga ana e drejtuesve. Sjellja e tij nuk mund të tolerohet dhe për rrjedhojë mori dhe masën e parë ndëshkimore. Të presim dhe të shohim se si do të shkojë situata mes tij dhe Partizanit.
Formacioni i Partizanit – Një ndër arsyet se pse mesfushori Telushi bëri fjalë me teknikun Klevis Dalipi ishte dhe për shkak të formacionit që ka Partizanit sot në fushën e lojës. Në vend të vlonjatet dhe Malës do të luajë Milan Culum. Ky i fundit nuk e pranoi faktin se serbi mund të luante para tij dhe reagoi në atë mënyrë duke u largua nga fusha stërvitore. Ai pati debat me teknikun e tij dhe menjëherë iu drejtua dhomave të zhveshjes. Pa ekzagjerime, pa fyerje, pa kapje me duar, diskutim i ashpër dhe largim direkt. Drejtuesve nuk i ka pëlqyer.