Bayern Munich nuk është i interesuar ta transferojë anësorin e Bayer Leverkusenit, Leon Bailey, ashtu siç spekulohej ditëve të fundit, raporton Bild.
Së fundmi u raportua se kampioni i Bundesligës kishte bërë ofertë prej 60 milionë euro për Baileyn, por sipas Bild, Bayern nuk është i interesuar për 22-vjeçarin, transmeton Gazeta Express.
Kjo pasi Arjen Robben dhe Franck Ribery i kanë zgjatur kontratat për edhe një vit me Bayernin.
Megjithatë, Bailey mund të jetë opsion i bavarezëve në verën e vitit 2019.
