Andrea Pirlo konfirmon se do të nisë kursin e trajnerit në shtator, dhe beson se Italia duhet të fillojë nga zero.
Ish-mesfushori ka luajtur mbi 100 herë për Italinë, duke fituar Kupën e Botës më 2006.
“Mancini është një trajner i rëndësishëm për kombëtaren,” shprehet Pirlo për RMC Sport.
“Ai duhet ta nisë nga zero me një entuziazëm të madh dhe duke u fokusuar te lojtarët e rinj që mund të ndihmojnë Italinë të rikthehet kompetitive.
“Për sa më përket mua, do ta nis kursin e trajnimit në shtator, dua të kem licencën se nuk i dihet asnjëherë.”
Pirlo ndalet të flasë edhe për ish-ekipin e tij Juventus.
“Shtatë titujt radhazi nuk më befasojnë. Mendoj se cikli mund të vazhdojë. Douglas Costa më pëlqeu shumë këtë vit. Pjanic po përmirësohet vit pas viti.”