Skuadra e Kategorisë Superiore, pjesëmarrëse në Champions për sezonin 2018-2019 (Skënderbeu ose Kukësi, në varësi të vendimit që do të merret në KAS), mund të përballet me Shkëndijën e Tetovës që në raundin e parë eliminator të këtij kompeticioni. Pas përfundimit të kampionateve në Europë, tashmë skuadrat që do të marrin pjesën në këtë kompeticion janë ndarë në vazo sipas koeficientëve. Shkëndija e Tetovës është e para në vazon e dytë të raundit të parë eliminator për shkak të koeficientit më të ulët se kampionia e saposhpallur e Bosnjë Hercegovinës, Zrinjski Mostar, e fundit në vazon e parë, ku është përfshirë momentalisht Kukësi.
Në raundin e parë eliminator marrin pjesë 31 skuadra kampione si dhe dhe fituesja raundit paraeliminator, ku një nga katër ekipet me koeficientët më të ulët është edhe Drita e Gjilanit, kampionia e saposhpallur e Kosovës. Kuqezinjtë tetovarë në fakt janë kundërshtarët që do të dëshironin të shmangnin të gjitha skuadrat e vazos së parë. Mjafton të kujtojmë ecurinë e Shkëndijës së Tetovës në Europa League sezonin e kaluar (u eliminua nga Milani), për të kuptuar forcën e kësaj skuadre, që e mbylli sezonin në Maqedoni me triumf të dyfishtë, në kampionat dhe Kupë.
Vazo e parë
Ludogorets Razgrad
Celtic
APOEL
Legia Varsavia
Astana
Qarabağ
Sheriff Tiraspol
Malmö
Crvena Zvezda
Hapoel Be’er Sheva
Rosenborg
HJK
The New Saints
Videoton
Kukësi (Skënderbeu)
Zrinjski Mostar
Vazo e dytë
Shkendija Tetovë
Spartak Trnava
Dudelange
Valletta
Víkingur
Crusaders
Olimpija Ljubljana
Alashkert
Sutjeska Nikšić
Sūduva
Spartaks Jūrmala
Cork City
Flora Tallinn
Torpedo Kutaisi