Merkato verore e Anglisë do të hapet zyrtarisht këtë të enjte, pra më 17 maj. Ky ndryshim ka ardhur pasi Premier League votoi që merkato të mbyllet më pak se një muaj përpara se ç’mbyllet zakonisht.
Pra merkato këtë vit do të mbyllet më 9 gusht.
Rregullorja e FIFA-s shprehet qartë se një kampionat duhet të ketë një merkato që zgjat të paktën 12 javë.
Si rezultat, merkato do të fillojë vetëm katër ditë pasi përfundoi sezonit 2017/18.
Dhe do të mbyllet përpara se të fillojë sezoni i ri 2018/19, hera e parë që ndodh.
Ndryshimi pritet të shpallet formalisht të mërkurën.
Vitin e kaluar, 1.5 miliard euro janë shpenzuar nga klubet e Premier League dhe me Kupën e Botës në horizont, prisni që edhe merkato e kësaj vere të prodhojë shifra astronomike.