Arsenal ka planifikuar një takim me Thierry Henry për t’u bërë trajneri i londinezëve me synimin për të gjetur zëvendësuesin e Arsene Wenger. Mikel Arteta është kandidati kryesor, i preferuari i shefit ekzekutiv Ivan Gazidis dhe drejtorit Josh Kroenke, djali i pronarit Stan dhe në këto kushte spanjolli mendohet se do të ulet në stolin e “Emirates”, por pasi kanë folur me ish-mesfushorin Patrick Vieiera, një tjetër futbollist, që ka shkruar historinë e “topçinjve”, ka dalë si kandidat.
“Daily Mail” ka shkruar se ish-sulmues Henry, aktualisht trajneri i dytë i Belgjikës, do të takohet me drejtuesit e Arsenal dhe është rivali kryesor për Arteta, që ka qenë ndihmësi i Pep Guardiola në dy sezonet e fundit te Manchester City.
40-vjeçari Henry nuk ka asnjë përvojë si trajner i parë dhe Arteta i ka thënë miqve të tij se me 90% të mundësive do të marrë drejtimin e Arsenal.
Massimiliano Allegri, Luis Enrique dhe Joachim Low ishin kandidaturat kryesor të “topçinjve”, por asnjë prej tyre nuk ishte i disponueshëm, kësisoj londinezët kanë kthyer sytë nga ish-futbollistët e klubit.
Henry ka shënuar 174 gola në 254 ndeshje zyrtare me Arsenal, më shumë se çdo lojtar tjetër.
