Marco Silva është emëruar trajneri i ri i Everton.
Portugezi që ka qenë te Hull dhe Watford do të jetë pasardhësi i Sam Allardyce, i cili u largua në fund të sezonit pas pesë muajsh e gjysmë.
Everton donte të afronte Silva-n që në verën e kaluar por Watford nuk kërkonte ta lëshonte trajnerin, të cilin e shkarkoi vetëm disa muaj më vonë.
“Jam shumë krenar të jem trajneri i ri i Everton,” shprehet Silva. “Po pres me padurim të filloj këtë aventurë të re.
“Dua të falënderoj bordin drejtues që kanë besim te puna ime. E di mirë historinë e madhe të Everton dhe jam i sigurt që me bashkëpunimin e të gjithëve do të ngjitemi lart.
“Kemi shumë punë për të bërë në muajin e ardhshëm për të përgatitur gjithçka ashtu siç duhet. E di se çfarë presin tifozët, ata nuk duan vetëm rezultate. Dua që ata të jenë krenarë kur të shohin ekipin në fushë.”