Real Madrid është shpallur për herë të tretë rradhazi kampion i Champions League duke vendosur një rekord të jashtëzakonshëm në këtë kompeticion. Por pavarësisht sukseseve në këto vite, ‘galacticos’ duan që të përforcojnë akoma më tepër ekipin dhe të krijojnë një bazë për të vijuar sukseset edhe në të ardhmen.
Për këtë arsye Marca shkruan se ata kanë vënë në shënjestër mesfushorin e Totthenham, Christian Eriksen. Danezi ka kaluar një formë të shkëlqyer në sezonin që u mbyll dhe për të interes ka shfaqur edhe Barcelona. Eriksen shihet si zëvendësuesi ideal i Luka Modric i cili në shtator mbush 33-vjeç dhe nuk garanton të njëjtin ritëm në vitet në vijim.
