Mesa duket koha e Riyad Mahrez te Leicester City është drejt fundit.
Manchester City ka ruajtur kontaktet me mesfushorin e Leicester dhe raportet se dy klubet janë shumë pranë marrëveshjes për një shifër 90 milionë euro.
Akordi pritet të arrihet në javën e ardhshme.
Mahrez kërkoi me çdo kusht të largohej nga Dhelprat në merkaton e dimrit, duke refuzuar të stërvitej me ekipin, por dy klubet nuk gjetën gjuhën e përbashkët dhe kampioni i Premier League duhet të rikthehej në skuadër për të luajtur ndeshjet e mbetura.
Finalizimi i transferimit do të ishte një lajm fantastik për Mahrez dhe për Pep Guardiola, i cili ka kohë që e admiron talentin e mesfushorit.