Robert Lewandowski do të jetë objektivi kryesor i Chelsea-t që kërkon të rindërtohet pas një sezoni zhgënjyes.
Blutë e mbyllën sezonin në vend të pestë të Premier League, duke humbur mundësinë për të luajtur në Champions League sezonin e ri dhe ka vuajtur të zëvendësojë të larguarin Diego Costa.
Lewandowski, i cili është përfolur për një transferim te Real Madrid, tani shihet si njeriu i duhur që mund të mbyllë boshllëqet e sulmit, sipas The Telegraph. Chelsea kërkon të blejë sulmuesin e Bayern, i cili mund të kushtojë 120 milionë euro.
Paratë e një blerje potenciale do të mundësoheshin pjesërisht edhe nga shitja e Alvaro Morata-s.
Spanjolli nuk ka arritur të bindë në Stamford Bridge dhe pritet të rikthehet në Serie A, me Juve dhe Milan të interesuar.