Këngëtari i famshëm italian, Tommaso Paradiso, që është tifoz me Lazio, nuk e ka pritur mirë humbjen kundër Interit. Në një status të lënë në Instagram, për më tepër, ai ishte i ashpër ndaj Strakoshës, duke e konsideruar atë përgjegjësin e vërtetë të disfatës me zikaltrit në javën e fundit të Seria A, çka i la kryeqytetasit bardhekaltër jashtë pjesëmarrjes në Ligën e Kampionëve:
“Futbolli është i çuditshëm? Jo, nuk është i çuditshëm, çdo gjë që ka ndodhur, ka ndodhur. Ne luajmë me portierin më skarco në Seria A (Strakosha). Dhe pastaj faulli në fund i De Vrij! Një ndërhyrje kositëse, e çuditshme. Shumë e çuditshme.
Unë jam personi më kundërthënës ndaj mentalitetit të komplotit. Më bën të sëmurë. Unë thjesht thashë atë që u parafol rreth De Vrij në lidhje me këtë ndeshje, me siguri do të ndodhte diçka. Pra, nuk është e çuditshme që shkoi kështu dhe se De Vrij kishte fatkeqësinë për të kositur Icardin në zonën e penalltisë, 10 minuta nga fundi. Asnjë komplot, histori”.
