Fenomeni Ronaldo në një intervistë për “El Larguero”, ka thënë se beson se transferimi i Neymarit në Madrid do të ishte praktikisht i pamundur. Pas eliminimit të Paris Saint-Germainit nga Liga e Kampionëve në duel me Real Madridin, mediat botërore filluan të spekulonin se ylli brazilian do t’i bashkohej Madridit.
Megjithatë, ish-sulmuesi brazilian nuk beson se një gjë e tillë është e mundur.
“Kam dëgjuar shumë të flitet për Neymarin dhe Real Madridin, por mendoj se do të ishte vërtet shumë i vështirë transferimi i tij. PSG-ja shpenzoi shumë para për të”, ka thënë Ronaldo.
“Duket shumë e komplikuar të mendosh se Neymar mund të luajë për Real Madridin një ditë. Tani për tani, mendoj se është e pamundur”, shtoi ai.
