Kombëtarja gjermane ka filluar sot grumbullimin e saj në Alto Adige. Deri më 7 qershor, skuadra e drejtuar nga Joachim Loew do të stërvitet në qendrën sportive “Maso Ronco” në Appiano, shumë pranë qytetit turistik italian Bolzano.
Rreth 200 gazetarë, kryesisht gjerman, janë akredituar për të ndjekur përgatitet e skuadrës kampione të botës në fuqi.
Më 2 qershor është programuar një miqësore ndaj Austrisë në Klagenfurt, ndërsa më 4 qershor, Low do të reduktojë nga 27 në 23 listën e futbollistëve që do të shkojnë në Rusi, duke nisur nga 8 qershori.
Kjo është hera e katërt që Gjermania grumbullohet në këtë kompleks malor në Itali.
