Treshja e sulmit të Liverpoolit e përbërë nga Mohamed Salah, Sadio Mane dhe Roberto Firmino po vazhdojnë të mahnitin me paraqitjet e tyre. Liverpooli edhe pse u mund nga Roma me rezultat 4-2, por në fund i kanë eliminuar italianët nga gjysmëfinalja e Ligës së Kampionëve me rezultat të përgjithshëm 7-6.
Goli i parë i ndeshjes u shënua nga Mane për epërsinë e Liverpoolit 0-1 dhe ku gol ka bërë që të thyhet një rekord i madh në Ligën e Kampionëve. Me golin e senegalezit, treshja e famshme e Liverpoolit Salah-Mane-Firmino kanë arritur në kuotën e 29 golave brenda këtë tij sezoni në garën elitare evropiane, ku egjiptiani dhe braziliani kanë nga 10 gola, ndërsa senegalezi nëntë gola.
Me këto 29 gola, treshja sulmuesi e Liverpoolit ka thyer rekordin e mbajtur deri tani nga treshja e njohur e Real Madridit, Bale-Benzema-Cristiano e njohur si BBC. Ndërkohë Bale,Benzema dhe Ronaldo kishin realizuar plot 28 gola në Ligën e Kampionëve në edicionin 2013/15, atë vit kur Reali arriti ta fitojë edhe trofeun duke mposhtur në finale Atletico Madridin.
Treshja e Liverpoolit ka mundësi të mirë ta thellojë edhe më shumë këtë rekord në finalen e madhe të Ligës së Kampionëve me 26 maj, pikërisht ndaj Mbretërve. Ndryshe, Mane theu edhe një rekord tjetër duke shënuar plot nëntë gola në 10 ndeshjet e tij të parë në karrierën e tij në Ligën e Kampionëve.
