Futboll Premier League Sport

Salah po ‘fiket’ atëhere kur nuk duhet

Jemi në kulmin e sezonit tashmë. Edhe pak ndeshje kanë mbetur për të “mbyllur llogaritë” me një vit futbollstik ku skuadrat luftojnë për të mos rënë nga kategoria, për një vend në kompeticionet europiane, për titullin kampion dhe… për të mundur Realin në finalen e Champions.

Për këtë të fundit, këtë sezon ‘detyra e rëndë’ i ka rënë klubit më të mirë anglez në Europë, Liverpool. Por edhe pse ka qenë ‘motori’ që e ka çuar përpara skuadrën këtë sezon, pikërisht tani duket se ylli i skuadrës, Mohamed Salah, po ‘fiket’… Në kohën më të keqe të mundshme për Jrugen Klopp.

Duket sikur ka humbur dëshirën brenda natës edhe pse mbetet një lojtar i jashtëzakonshëm. Që prej paraqitjes fantastike ndaj Roma-s në gjysmëfinalen e parë të Champions, të fituar 5-2, Salah ka bërë ndeshje nën mesataren, duke treguar se ka humbur edhe besimin te vetja, me disa raste flagrante për gol të humbura.

Tani që u mund edhe nga Chelsea, Liverpool duhet të luftojë fort në javët e mbetura për një vend në Champions, çka e bën edhe më të vëshirë përqendrimin te finalja kundër Realit në fund të muajit. Janë javë vendimtare për Reds-at dhe egjiptiani, edhe pse ka shënuar 41 gola deri tani, duhet të japë më të mirën për t’i dhuruar tifozëve të zjarrtë të Liverpool trofeun e ëndërruar.

Related posts

“MË PËLQEN TË LUFTOJ NË FUSHË”/ Flet sulmuesi Solomon: Fitorja ishte si një goditje për…

Delo.autor

Lufta për CHAMPIONS në Serinë A/ De Biazi sheh RIVAL surprizë për MILANIN 

Isa.Autor

JO VETËM GOLA/ Lewandowski dhuron spektakël, topi futet në dritaren e zyrës së Salihamidzic

Delo.autor

Leave a Comment