Domenico Criscito i dha fund aventurës së tij 7-vjeçare në kampionatin rus me Zenitin, për t’u rikthyer në klubin ku u rrit dhe afirmua si futbollist.
Mbrojtësi i majtë iu bashkua sërish Genoas dhe menjëherë për të u vu në dispozicion një kontratë 8-vjeçare, duke blinduar jo vetëm të ardhmen si futbollist, por edhe fillesat si drejtues.
32-vjeçari italian ka nënshkruar për për 5 sezonet e ardhshme si futbollist i Genoas, duke bërë që deri në moshën 37-vjeçare të ketë mundësi të japë kontributin e tij me kuqeblutë, në fushën e gjelbër.
Më pas e pret edhe një tjetër kontratë 3-vjeçare si drejtues klubi, ku pritet të hedhë hapat e parë në një eksperiencë të re. Me këtë gjest Genoa vlerëson një figurë që u rrit në klubin kuqeblu dhe ka kontribuuar që nga mosha 16-vjeçare.
