Pas ndeshjes me Laçin, në ambientin kuksian ka mbizotëruar një mërzi dhe mllef i jashtëzakonshëm kundër arbitrit Kola për shkak të veprimeve të këtij të fundit në fushë.
Gazeta mëson nga burime të sigurta se fill mbas ndeshjes njerëz pranë klubit kanë pritur gjyqtarin për t’u “hakmarrë” duke u përleshur me të, por kanë qenë forcat e policisë në “Elbasan Arena” që nuk i kanë lejuar, mbas të sharave të këtyre të fundit në drejtim të arbitrit dhe trupës së gjyqtarëve.
