Juventusi mposhti ditën e djeshme Atalantën 3-1 me përmbysje, falë dy golave të Higuainit dhe një goli të Dibalës në fund.
Pas ndeshjes, fitoren e bardhezinjve e analizoi edhe një nga ish-futbollistët e Interit, siç është Xhiuzepe Bergomi.
Ky i fundit për “Sky Sport” u shpreh se “Zonja e Vjetër” shumicën e ndeshjeve i fitojnë në fund, duke thënë se ata nuk luajnë ende si një skuadër. “Statistikat tregojnë se Juventusi fiton shumicën e ndeshjeve në fund. Ata ene nuk luajnë si një skuadër e vërtetë.
Rezultati ndaj Atalantës është gënjeshtar, për atë që ekipet dhanë në fushë. Bergamaskët luajnë gjithmonë një lojë të hapur, dhe krijojnë shumë raste.
Dibala? Ai gjithmonë e ndihmoi ekipin dhe ishte i rrezikshëm për kundërshtarin. Ai dribloi disa herë kundërshtarët, luajti si një kampion i shkëlqyer duke e tërhequr ekipin drejt fitores.”, u shpreh Bergomi.