Inter është favorit për transferimin e Matteo Politano nga Sassuolo. Kështu shkruajnë mediat italiane, sipas të cilave është vetë 24-vjeçari ai i cili do të pëlqente një kalim te zikaltrit, edhe pse pretendentët për të marrë shërbimet e tij janë të shumtë.
Politano në janar ishte shumë pranë transferimit te Napoli, por marrëveshja mes palëve nuk u arrit të mbyllej. Futbollisti pëlqehet edhe nga skuadra e Milan, por dëshira e tij për tu transferuar te skuadra e drejtuar nga Spalletti, duket se i avantazhon së tepërmi zikaltërit.
