Massimiliano Allegri do të vijojë të drejtojë Juventusin edhe në sezonin e ardhshëm, pavarësisht dështimit të radhës në Europë, që duket se është ‘mollë e ndaluar’ për bardhezinjtë.
Këtë lajm e ka dhënë Drejtori Sportiv i Juventusit, Beppe Marotta, që tha se skuadra beson te tekniku dhe vlerëson punën e bërë nga ai te bardhezinjtë.
“Me Allegrin kemi një raport që ka funksionuar dhe vazhdon të funksionojë. Pas zyrtarizimit të titullit në Serie A, ne do të flasim për të ardhmen së bashku, por unë jam i bindur se do të vazhdojmë me Allegrin”, tha Marotta.
