Komisioni i Disiplinës, Etikës dhe i Kontrollit në UEFA ka nisur procedimin ndaj presidentit të Romës, James Pallotta, për sjelle të pahijshme në përfundimit të gjysmëfinales së kthimit të Championsit ndaj Liverpoolit.
Në përfundim të kësaj ndeshjeje Pallotta shfryu kundër arbitrimit, duke u ankuar për vendimet e sllovenit Skomina dhe kërkuar përdorimin e teknologjisë VAR në këtë kompeticion.
Klubi roman duhet të përgjigjet edhe për ndezjen e flakadanëve, organizim të dobët të ndeshjes dhe vendosjen e tifozëve në vendet ku nuk lejohet. Të gjitha vendimet për këto çështje do të merren më 31 maj.
