Pas ekipit të parë që u shpallën kampionë të Kategorisë së Parë dhe siguruan rikthimin në Kategorinë Superiore, një tjetër ekip i akademisë bardheblu është shpallur kampion. Po flasim grupin U-17 të Migen Memellit, të cilët kanë mposhtur sot Vllazninë me rezultatin 3-0 dhe kanë festuar titullin kampion në Grupin A në stadiumin “Skënder Halili”.
Pas emocioneve të ditës së sotme, bardheblutë e vegjël do të përgatiten për të luajtur fazën e PlayOff-it ndaj Flamurtarit, ku do të synojnë titullin kampion të Shqipërisë. Ekipi U-17 vazhdon të korrë sukses thuajse sikurse vitet e mëparshme kur triumfonin nën drejtimin e Sulemjan Memës.