Pas ngjarjes së ndodhur në fundin e ndeshjes mes Flamurtarit dhe Vllaznisë, asistenti i dhunuar, Ilir Tartari, ka bërë një kallëzim penal në policinë gjyqësore, ndaj dhunuesve. Asistenti fierak pretendon se është goditur nga kunati i administratorit Idrizi dhe shoferi i tij.
Ai kërkon që personat që e goditën për shkak të detyrës si arbitër ndërkombëtar të ndiqen ligjërisht. “Top Channel” arriti të sigurojë kallëzimin penal të Tartarit, përpara oficerëve të policisë.
