Teuta mbylli një sezon që në fund të tij rezultoi i suksesshëm dhe pa shumë siklet për durrsakët pasi arritën të mbijetonin në Superligë. Tashmë ‘djemtë e detit’ në ndeshjen e fundit të këtij sezoni kundër Laçit nuk kanë më asnjë objektiv dhe mund ti japin kënaqësinë e aktivizimit lojtarëve të rinj dhe atyre që kanë pasur më pak minuta.
Por ende pa përfunduar zyrtarisht sezoni ka ardhur largimi i parë nga durrsakët. Tarik Camjcanin nuk do jetë më pjesë e Teutes në sezonin që vjen. Mesfushori ballkanas tashmë është një lojtar i lirë ku duket se 23-vjeçari ka zgjidhur gjithçka me drejtuesit e skuadrës së Teutes.
