Ylli i kombëtares zviceriane, Xherdan Shaqiri do të marrë me vete dhe Kosovën në Kupën e Botës, Rusi 2018.
Në një foto në rrjetet sociale, Shaqiri ka zbuluar se në thembrën e këmbës së djathtë do ta ketë flamurin e Kosovës, kurse në këmbën e majtë flamurin e Zvicrës.
Së bashku me Shaqirin, tek kombëtarja zviceriane pritet të luajnë edhe futbollistët me origjinë shqiptare, Granit Xhaka, Blerim Xhemaili, Valon Behrami, Admir Mehmedi e Albian Ajeti.
Në “Rusi 2018” Zvicra është pjesë e Grupit E bashkë me Serbinë, Brazilin dhe Kostarikën.
Foto e atleteve të postuar nga Shaqiri në rrjetet sociale.
