Zinedine Zidane foli në konferencën për shtyp, pas disfatës në “Sanchez Pizjuán”, dhe tha se nuk pendohet për formacionin titullar, me të cilin e nisi ndeshjen. Ai, gjithashtu, foli për personalitetin e kapitenit të të tijve, Sergio Ramos.
Çfarë mungonte: “Në metrat e fundit nuk kemi bërë asgjë, sidomos pjesën e parë. Në të dytën jemi përmirësuar”.
Titullarët: “Është një ekip që mund të fitojë në heshtje. Unë nuk pendohem për formacionin. Ishte një mundësi për lojtarët që luajnë më pak. Nuk mund të fajësoj çdo, sepse në pjesën e dytë shënuan dy gola”.
A do të ndikojë kjo humbje: “Ne jemi të zhgënjyer, por nuk do të ndikojë asgjë. Të shtunën kemi një tjetër lojë. Nuk do të ndikojë asgjë në atë që ne do të bëjmë deri në fund të sezonit”.
Personaliteti i Ramos: “Sergio është kapiteni ynë. Sa herë që kemi ardhur këtu, diçka ndodh me të. Ai e di se duhet të përqendrohet. Nuk ka bërë mirë në rastin e penalltisë, por janë gjëra që ndodhin”.
Bilanci i lojës: “Me rezultatet nuk mund të jemi të lumtur, referuar asaj që kemi bërë në La Liga. Sa i takon ndeshjes së radhës, shumë lojtarë nuk luajtën. Nuk mund të jemi të lumtur me pjesën e parë, por me të dytën po. Nuk do të flasim më shumë për atë që kemi bërë në La Liga, veçanërisht në fillim, kur situata ishte shumë e komplikuar”.
