Arlind Ajeti është ende një futbollist i Torinos, por skuadra italiane nuk e ka në plane. Pasi Krotone nuk e shfrytëzoi klauzolën për të blerë kartonin e tij, shqiptari duhet të gjejë një skuadër, duke qenë se skuadra e Maxarrit nuk e ka në plane për fazën përgatitore në Filadelfia.
Së fundmi, mediat pranë skuadrës torineze bëjnë me dije se Nimes në Francë është skuadra, me të cilën agjenti i mbrojtësit të Kombëtares ka nisur bisedimet. Nga sa bëhet me dije, për Ajetin skuadra franceze është e gatshme që të ofrojë një kontratë dyvjeçare. Ndonëse kontaktet janë të avancuara, nuk bëhet ende fjalë për firmë. Së pari, Torino duket e gatshme që ta lërë të lirë shqiptarin dhe do të ishte e kënaqur vetëm të heqë dorë për pagën e tij mujore.
Ky është edhe problemi i vetëm me ekipin francez, pasi është i gatshëm të ofrojë vetëm 200 mijë euro pagë vjetore. Në krahasim me pagën e saktësuar në kontratë me Torinon, diferenca është 50 mijë euro, e cila përbën edhe pengesën e momentit mes palëve.
