Me të nisur Kampionati Botëror, ka udhëtuar drejt Rusisë edhe trajneri i Napolit Carlo Ancelotti, jo për të drejtuar ndonjë përfaqësuese, por në cilësinë e opinionistit për një kanal televiziv meksikan. “Unë një ditë trajneri i përfaqësueses së Meksikës? Pse jo! Nuk kam drejtuar kurrë një kombëtare dhe herët a vonë do të më pëlqente që ta bëja”, deklaroi vetë Ancelotti pikërisht në një intervistë për një televizion meksikan.
“Pak kohë më parë u kontaktova nga Italia, por preferova të zgjedh drejtimin e një klubi sepse dua të drejtoj në mënyrë të përditshme. Në karrierë kam drejtuar skuadrën e Real Madrid, ndaj për mua do të ishte shumë e komplikuar që të punoja për Barcelonën. E njëjta gjë velen edhe për Inter: nuk do të drejtoja kurrë zikaltërit, për shkak të kaluarës time te Milan”, u shpreh tekniku italian.