Klubi njoftoi sot firmosjen e marrëveshjes me mesfushorin 25-vjeçar. Hila firmosi në marrëveshje 1 vjeçare me opsion rinovimi edhe për një vit tjetër.
Futbollisti, i cili do të mbajë numrin 27-të, vjen tek Partizani pas një eksperience pozitive tek Teuta.
Sezonin e kaluar Hila është aktivizuar 33 herë si titullar duke realizuar 9 gola.
Ai u shpreh i lumtur për firmosjen e kontratës me Partizanin dhe se është i bindur që ka bërë zgjedhjen e duhur.
Ardit Hila: “Jam i lumtur që jam pjesë e Partizanit. Sot përfunduam gjithçka dhe arritëm marrëveshjen me drejtuesit. Kam patur oferta nga disa klube, por nuk e pata të vështirë të vendosja për Partizanin dhe jam i bindur që kam bërë zgjedhjen e duhur.
Partizani është një ekip i madh dhe të veshësh bluzën e këtij klubi legjendë është përgjegjësi për çdo lojtar. Si çdo lojtar shpresoj dhe besoj të bëj më të mirën te Partizani si në aspektin personal ashtu edhe për ekipin. Objektivat e Partizanit janë madhor dhe sigurisht synoj të fitoj trofe me të kuqtë.
I premtoj të gjithë tifozëve të mrekullueshëm të Partizanit se do të luftojmë deri në fund për të arritur titullin kampion , trofe i cili i mungon prej shumë kohësh klubit.”